NLW MS. Peniarth 45 – page 12
Brut y Brenhinoedd
12
meirỽ y deffroei y rei byỽ ac megys deueit ym
plith bleideu heb ỽybot ford y fo yd arhoynt
eu hangheu Cany cheffynt o enhyt wisgaỽ y
harueu ac ny cheffynt wynteu fo namyn
redec yn noeth diaraf ym plith y rei arua+
ỽc ac y lledit ac y·uelly o diaghei neb ac ych+
ydic o|e eneit gantaỽ; rac meint y awyd y
fo Briwaỽ a wnai gan gerric a drein ac y
uelly y collynt eu gwaet a|e heneideu ac o|r
dianghei neb o|r ryỽ damwein tynghetuena+
ỽl hỽnnỽ y bodynt ar y dyured ger llaỽ ac
y·uelly breid oed o|r dianghei neb yn dianaf.
Ac gỽedy gỽybot o wyr y castell bot eu harg+
lỽyd yn llad eu gelynyon yn|y wed honno dy+
uot allan o|r castell a deudyblyc aerua a wna+
ethant o·nadunt. A daly y brenhin a oruc Brutus
a|e garcharu Canys mỽy les a tebygei y dy+
uot o|e daly noc o|e lad. Ac yn|y wed honno y
treulỽyt y nos honno yny doeth y dyd mal yd o+
ed amlỽc gwelet yr aerua a|wnathoedit. Ac
yna llawenhau a oruc Brutus a rannu yr yspe+
il y·rỽg y wyr a thra yttoedit yn rannu yr
yspeil yd aethpỽyt ar brenhin yng carchar
a|chladu y kalaned. Ac gỽedy daruot hynny
ymgynnullaỽ a wnaeth a|e lu y gyt gan
| « p 11 | p 13 » |