NLW MS. Peniarth 45 – page 210
Brut y Brenhinoedd
210
A phryt a thegỽch y wreic honno a orchyuy+
gei holl wraged ynys prydein.
AC erbyn dyuot yr haf rac ỽyneb para+
toi llyghes a|wnaeth arthur y uynet y
oresgyn iwerdon. Ac gỽedy disgynu ar tu
iwerdon y doeth Gillamỽri urenin. iwerdon
ac aneiryf o lu y gyt ac ef yn|y erbyn. Ac
gỽedy dechreu ymlad. Sef a wnaeth y ge+
nedyl noeth diaraf truan honno heb ohir
kymryt y fo. Ac y delit gillamỽri ac y kym+
hellỽyt y darestỽg y arthur. Ac o|e agreiff ef
y doeth yr holl tywyssogyon gỽydyl y ỽrhau
idaỽ oc eu bod. Ac gwedy daruot idaỽ ores+
gyn iwerdon. yd aeth a|e lyghes parth ac Islont
ac gỽedy ymlad a|e phobyl y goresgynỽys.
Ac gỽedy clybot hynny yn|yr ynyssed ereill
ac nat oed un wlat a allei ymerbyneit
ac arthur. Sef a wnaethant doldan urenhin
godlont. A gwinwas urenin. orc. dyfot oc y
bod y ỽrhav idaỽ ac y rodi teyrnget y gant+
unt. Ac odyna ymchoelut a wnaeth ar+
thur ynys prydein a chadarnhau tangne+
ued yndi. Ac y bu ar un tu yndi heb uynet
y un lle ohoni. Deng mlyned. ~ ~ ~ ~ ~ ~
A gwahaỽd a wnaethpỽyt gwyr pro+
| « p 209 | p 211 » |