NLW MS. Peniarth 46 – page 11
Brut y Brenhinoedd
11
saỽ mynet trỽy auon oed yno
calon. ac yn keissaỽ bryssyaỽ trỽy yr au+
uon y periglỽys aneiryf onadunt a|ỽed+
dassant. a laỽer a|ladei ỽyr tro ar|y|tir.
ac yn|y wed honno gỽnneuthur deudy ̷+
blyc aerua o·nadunt. a gỽedy gỽelet o
antigonus braỽt y|pandrasus vrenhin groec
hynny. doluryaỽ a oruc yn vỽy no meint
a galỽ y|foedigyon attaỽ a|e bydinaỽ. a|ch*
gyrchu gỽyr tro. kanys clotuorach oed
gantaỽ y|lad gann gyrchu ac ymlad. no+
gyt y|vodei gann fo yn hagyr. ac ym+
lad a oruc ef a|e vydin yn ỽychyr. ac
ny dygrynoes idaỽ hynny onyt ychy+
dic. kanys paraỽt oed ỽyr tro. a gỽisge+
dic o|arueu. a gỽyr groec diaruot oedynt.
ac ỽrth hynny gleỽach oed ỽyr tro. ac
yn|y ỽed honno ny orffỽyassant yn|y llad
yny daruu eu distryỽ hayach. a dala an+
tiogonus braỽt y brenhin. ac anacletus y|get+
ymdeith. ar uudugolyaeth a|gauas brutus
| « p 10 | p 12 » |