NLW MS. Peniarth 46 – page 274
Brut y Brenhinoedd
274
oed gỽedy dyuot am benn caer alclut lle
yd edeỽssit hyỽel uap emyr llydaỽ yn glaf.
ac yna yd aeth cadỽr a|deg mil o|uarcho+
gyon aruaỽc. gantaỽ. ac nyt yn|y hol yn
unyaỽn y|kerdỽys. namyn achup eu llogeu
a gỽedy eu briỽaỽ. ymhoelu ar eu gelyny+
on a|e llad hep trugaret. Y rei a|gyrchei o+
nadunt y|r llỽynneu. a|r coedyd. Ereill y|r
mynyded. a|r gogoueu y|geissaỽ gochel eu
hageu. a gỽedy nat oed diogelỽch udunt
yn un lle. Sef a|ỽnaethant kyrchu ynys
tanet. ac eu herlit a|oruc cadỽr hyt yno
gann ỽneuthur mynych aeruaeu arnunt.
ac ny orffỽyssaỽd yny ladaỽd cheldric. a|chy+
mell y|rei ereill y|ostỽg idaỽ. ~ ~ ~ ~
A |Gỽedy tagneuedu ohonaỽ ac ỽy.
y|kerdỽys parth a|chaer alclut yr
honn a|daeroed y|rydhau o arthur y|gann
yr yscottyeit. a|r ffichteit. ac odyna yd ae ̷ ̷+
thant parth a mureiff yn ol yr yscotteit
a|r ffichteit a|r ymladassei teir gỽeith ac
arthur. ac a|ffoyssynt hyt yno. ac yno yd ̷
| « p 273 | p 275 » |