NLW MS. Peniarth 46 – page 326
Brut y Brenhinoedd
326
naỽ bydin. a|thyỽyssogon arnadunt y|llyỽy+
aỽ. ac annoc a|ỽnaeth ef yn graff y|baỽp lad
y pagannyeit hep uedyd arnadunt. a du+
gassei y bradỽr ysgymun gann uedraỽt y
geissaỽ digyuoethi y|eỽythyr. a dyỽedut
heuyt a|oruc y|llu. a|ỽelỽch chỽi y|rei racỽ
o amryual ynyssed yd henynt. ac aghyf+
rỽys ynt ar|ymlad. ac ỽrth hynny ny a*
allant seuyll yn|ych|erbyn. a|chynneuin
yỽch ỽitheu. a|pheunydyaỽl ymlad. ac ar
hynny ym·gymuscu a oruc y|bydinoed o
bop parth. a dechreu ym·gymynu. a|chy ̷ ̷+
meint uu yr aerua o bop parth ac yny
yttoed y|rei byỽ yn yn·uydu gann gỽyn+
uam y|rei meirỽ. mal yd|oed truan y|dat ̷ ̷+
kanu. Canys o bop parth y brathei y|gỽyr
ac y|brethit ỽynteu. ac y|lladynt. ac y
lledit. ỽynteu. ~ ~ ~ ~ ~ ~
A Gỽedy treulaỽ llaỽer o|r dyd uelly
kyrchu a ỽnaeth arthur a|e uydin
megys lleỽ creulaỽn y|lle yd oed y
twyllỽr ysgymun anudonyl gann uedraỽt.
ac agori vdunt a|e cledyfeu. a|gỽneuthur
| « p 325 | p 327 » |