NLW MS. Peniarth 9 – page 18r
Ystoria Carolo Magno: Rhamant Otfel
18r
dy ymỽrthot o·honaỽ ac agret a daruot y
uedydyaỽ. y deuth belisent yn tegach no blo+
deu y ros. A daỽns varyfdec a|y harweda+
ỽd parth ac at charlys. Ar brenhin a|y kym+
erth geuyd* y llawes. ac a dywaỽt ỽrthi. merch
heb iaỽn ỽyt a da yỽ dy|liỽ. A phỽy|bynhac a|th
gaffei vn nos yn|y vedyant ac ỽrth y gyghor
ny dylyei vot yn llỽfyr vyth o hyny allan.
namyn yn volyannus o leỽder a|digoni yn
da. Ac y velly y byd y neb a|th geiff ditheu o
ry duỽ hoydyl idaỽ y may ar neb kynuyge+
dus llawer o ffreinc. Ac ỽrth otuel y dywa+
ỽt vy mab bedyd heb ef yr aỽr hon y kyflen+
weist y dedyf iaỽn. canys ymỽrthodeist a
mahumet. a|chymryt bedyd o·honot. Ac yn|y
lle hyny mi a rodaf it belisent vy merch yn
orderch it. A gỽlat verel y gyt a hi. ac Juori.
ar haste. A blancence. a melan. a phanie. a
lỽmbardie. Sef a wnayth otuel yna gos+
tỽg ar ben y lin a chan vuylltaỽt maỽr a
diolỽch rodi cussan y droet y brenhin. a|dy+
wedut ỽrthaỽ val hyn. Arglỽyd heb ef lly+
na beth ny ỽrthodaf i. os da gan y vorỽyn.
da yỽ genhyf vinheu. Ac yna y dywaỽt
belisent. da genhyf heb hi. A phellach mi
a geueis vy iechyt. Ac ny dyly dyuot edi+
uarỽch im vyth am vygkyualle. Ac ny
byd tỽyll garyat gennyf vinheu y|th gy+
ueir di yn dragywydaỽl. heb yr otuel a cha+
| « p 17v | p 18v » |