Breudwd Welsh Prose 1300-1425
Cymraeg

Oxford Rawlinson MS. B 467 – page 70r

Wyth Rhan Pob Dyn

70r

ẏ|bẏt nẏt amgen o grist ẏ|dẏaỻ. O|r
daear ẏ|bẏd knaỽt dẏn. O|r Mor ẏ|ỽaet ~
O|r heul ẏ lẏgeit. O|r gỽẏnt ẏ|anadẏl. O|r
ỽẏbẏr ẏ uedỽl a|e anỽadalỽch. O|r kerric
ẏ escẏrn. O|r ẏsprẏt glan ẏ eneit. O leu+
uer ẏ|bẏt nẏt amgen o|grist ẏ dẏaỻ ~ ~
Os o|r daear ẏ|bẏd ẏ|ran uỽẏaf o|r dẏn ỻesc
vẏd a|thrỽm. Os o|r mor doeth uẏd. Oss
o|r heul tec uẏd ac ẏmladgar. Os o|r gỽẏnt
ẏscaỽn vẏd ac aniỽeir. Os o|r|ỽẏbẏr ẏs+
caỽn vẏd ac irỻaỽn. Os o|r ker·rẏc ka+
let vẏd a|chebẏd a ỻeidẏr. Os o|r ẏsprẏt
glan hegar vẏd a|thec. a|chẏflaỽn a
dỽẏỽaỽl geluẏdẏd. LLẏma tri theỽ
annescor. auu ac arenn. a|chalonn.
LLẏma ẏr achos ẏ|gelỽir hỽẏnt veỻẏ