Cambridge Trinity College MS. O.7.1 – page 2v
Llyfr Blegywryd
2v
trayan y gan y brenhin or ennill a
del idaỽ oe tir. Ac val hynny sỽydo+
gyon y vrenhines a dylyant trayan
y gan sỽydogyon y brenhin. kylch a
dyly y vrenhines ar morynyon ar
meibon ar vilaeneit y brenhin pan
el ef y maes oe tir e hunan. Gỽerth
brenhin yỽ tal y sarhaet teir gỽeith.
gan tri drychafel. Teir sarhaet bren+
hin ynt. vn yỽ torri y naỽd; llad dyn
ar naỽd y brenhin. Eil yỽ pan del deu
vrenhin ar eu keffinyd y vynnu
ymaruoll. or lledir dyn yn eu gỽyd
sarhaet brenhin yỽ. Trydyd yỽ cam+
arueru oe wreic. Tri ryỽ sarhaet
yssyd y pob gỽr gỽreicaỽc. vn yỽ y
taraỽ ar y gorff. Eil bot arall yn
cam·aruer oe wreic. Trydyd yỽ torri
naỽd dyn a allo y rodi y arall trỽy
gyfreith. Ual hyn y telhir sarhaet
brenhin. Can mu yg|kyfeir pob can+
tref oe arglỽydiaeth. a gỽialen aryant
kyhyt ac or llaỽr hyt yg|geneu y brenhin
| « p 2r | p 3r » |