Cambridge Trinity College MS. O.7.1 – page 55r
Llyfr Blegywryd
55r
y tauaỽt. tri pheth a gyll ef yna.
kyntaf y kyll y sỽyd. Eil breint braỽt ̷+
ỽr o eisseu sỽyd. Trydyd gỽerth y ta ̷+
uaỽt. Y neb a uo braỽdỽr o vreint
tir. kyn dygỽytho ef y·g|gỽerth y ta+
uaỽt trỽy y gam vraỽt. ny chyll ef
vreint braỽdỽr tra vetho ar y tir or
hỽn y mae idaỽ vreint y varnu. ca ̷+
nys ym|peth bynhac y bo breint yn
yr vn ryỽ hỽnnỽ uyd prodolder* di+
wahan. Megys y mae breint anny ̷+
anaỽl yn priodolder corff. velly pri ̷+
odolder yssyd priodolder tir. Ac uelly
breint sỽyd yssyd priodol+
der sỽyd. ac ỽrth hynny pan wahan+
her braỽdỽr sỽydaỽc ae sỽyd trỽy
gyfreith. uelly y gỽehenir a breint
y sỽyd. Y·speit y dosparth braỽt am+
rysson rỽg deu ỽystyl a rother erbyn
yn erbyn yn llaỽ y brenhin; pymthec
niwarnaỽt. Ac val hyn y dosperthir.
yn gyntaf y dyly y brenhin yn hedych+
aỽl gỽarandaỽ yn|y llys amrysson
y neb a ỽrthỽyneppo yr braỽdỽr. Ac
| « p 54v | p 55v » |