Breudwd Welsh Prose 1300-1425
Cymraeg

BL Additional MS. 19,709 – page 57v

Brut y Brenhinoedd

57v

glav gvaet a girat newyn a lad y rei marwavl.
pan delhont y petheu hynny y dolurya y dreic
coch. ac yny vo ỻithredic ỻafur y grymhaa. yna
y bryssya direidi y dreic wen. ac adeiladeu y gar+
deu a diwreidir Seith dygaỽdyr teyrn·wyalen
a ledir ac vn onadunt a vyd sant. kaỻonneu y
mameu a rvygir a|r meibon a vydant ymdiueit
Ef a vyd diruavr abaỻ ar y dynyon yny lunyeith+
er y priavt genedyl yn|y ỻe. y gvr a wna hynny a
wisc gvr euydavl. a thrvy ỻawer o amseroed y ar
varch euydavl a geidỽ pyrth ỻundein. Odyna yd
ymchoel y dreic coch yn|y phriodolyon deuodeu ac
yndi e hun y ỻafurya y dywalhau. vrth hynny y|dav
dial y gan duỽ. kanys pop tir a dỽyỻ y amaeth.
Marwolaeth a gripdeila y bobyl. yr hoỻ genedloed
a diffrvytha. y gỽediỻon a adavant a|adavant eu
ganedic dayar ac a heant gardeu estronavl. y bren+
hin bendigeit a darpara ỻyges. ac yn neuad y|deu+
dec y·rỽg y gvyn·uydedigyon y rifir. yna y byd tru+
an adavat y|teyrnas ac ytlanneu yr ydeu a ym+
choelant yn anfrvythlaỽn. Eil·weith y kyfyt y dreic
wen. a merch germania a wahavd. Eilweith y ỻenwir
an gardeu ni o estronavl hat. ac yn eithafoed y ỻyn
y gvanhana y dreic coch. ac odyna y coronheir pryf o
germania. a tywyssavc euydavl a gledir. Teruẏn
gossodedic yssyd idi yr hvnn ny eiỻ mynet drostaỽ
Deg mlyned a deugein a chant y byd yn an·wastat  ̷