BL Cotton Cleopatra MS. A XIV – page 73r
Llyfr Cyfnerth
73r
gyflygat. gyfdanhed. gyfieỽin. gyfloscỽrn.
ac yn| diuan o tan. A llad llygot. ac nat ysso
y chanaỽon. Ac na bo cath·deric ar pop lloer.
Teithi cath kymeint yỽ ae guerth kyfreith.
NY byd dirỽy am gi kyt dycket yn| llet ̷+
rat namyn camlỽrỽ. llỽ un dyn ys ̷+
syd digaỽn y diwat ki. kanys beich kefyn
yỽ o| lỽdyn anhyys. Or kyrch ki neb dyn
yr keissaỽ y rỽygaỽ. kyt llatho dyn y ki
ac aryf a| uo yn| y laỽ ny thal dim ymdanaỽ.
Or brath ki neb dyn hyny del y guaet. talet
arglỽyd y ki waet y dyn. Ac or llad y dyn
rỽygedic y ki heb symut odyno ny cheiff
dim namyn vn ar pymthec aryant. Ki
kyneuodic a| rỽycco dyn teir gueith. Onys
llad y arglỽyd ef. kyfreith yỽ y| rỽymaỽ
ỽrth troet y| arglỽyd dỽy ryỽhant y ỽrthaỽ
ac uelly y lledir. Ac odyna talet tri buhyn
camlỽrỽ yr brenhin. Ny diwygir drỽc
a| wnel ki kyndeiraỽc. kyt dycker ki yn
lletrat ny wneir kyfreith lletrat arnaỽ.
| « p 72v | p 73v » |