Cardiff MS. 1.363 (Hafod 2) – page 128r
Brut y Brenhinoedd
128r
vedegynyaeth a rynwed arnaw. A phan k+
lywsant y brytanyeyt henny barnedyc wu
ganthvnt enỽynỽ en ol e meyn a brwydraỽ
ar gwydyl o cheyssynt eỽ llỽdyas. Ac o|r dyw+
ed ethol Wther pendragon a orỽcpwyt en
tywyssaỽc ar e neges honn a phymtheg myl
o wyr arỽaỽc y gyt ac ef o|e heylenwy. Merd+
yn a etholet y gyt ac wynt hyt pan ỽey trwy
y kyghor ef a|e ethrylyth e gwnelyt pob peth
o|r neges honno. Ac gwedy bot en paraỽt e llog+
heỽ a phob peth o|r a oed reyt ỽdvnt. wynt a ae+
thant ar e mor ar gwynt en hyrwyd en ev hol
wynt a hwylyassant hyt en ywerdon.
AC en amser hỽnnỽ ed oed Gyllamwry en
ỽrenyn en ywerdon. Gwas yeuanc an+
ryỽed y clot a|e ỽolyant. Ac|gwedy klybot o h+
ỽnnỽ ry dyskynnỽ e brytanyeyt ar y kyvoeth
ef kynullaỽ llw mavr a orỽc enteỽ a dyỽot en
eỽ herbyn. Ac gwedy gwybot o·honaỽ achavs
eỽ dyvodedygaeth wynt o|y gwlat. chwerthyn
a orỽc a dywedwyt wrth e nep oed en|y kylch.
Nyt ryỽed genhyf y hep ef gallw o kenedyl lesc
anreythyaỽ enys prydeyn kanys enỽyt ynt e
| « p 127v | p 128v » |