Cardiff MS. 1.363 (Hafod 2) – page 132v
Brut y Brenhinoedd
132v
pobyl brytaen. o angheỽ e bonedykaf ỽrenyn. ka+
nys dyffodedyc yw er arderchaỽc ỽrenyn brytanyayt emreys
wledyc. ac en|y angheu ef ed aballem ny en holla+
ỽl pey na rodey dyw ynny kanhwrthwy. Ac|wrth
henne e bonedykaf tewyssaỽc bryssya ty wthyr b+
ryssya ac na ohyr gwneỽthỽr brwydyr a|th elynyon
kanys e wudỽgolyaeth a ỽyd y|th law. ty a ỽydy ỽrenyn
ar holl enys prydeyn. ty a arwydokaa e seren ar tan+
aỽl dreyc a dan e seren. E paladyr a estyn parth a ffreync
hỽnnỽ a arwydokaa map kyỽoethaỽc a ỽyd y ty a chy+
ỽoeth hvnnỽ a|e ỽedyant a amdyffyn e teyrnassoed a ỽydant
adanaỽ en hollaỽl. E|paladyr arall a estynn parth a
mor ywerdon a arwydokaa merch a ỽyd y ty. a mey+
byon honno a|e hwyryon a ỽyd eydỽnt pob eylwers te+
yrnas prydeyn. AC ỽal ed oed Wthyr en pedrvssaỽ a|e
gwyr a|e kelwyd a dywedassaey merdyn am e seren megys
y dechreỽassey kyrchw parth a|e elynyon a orỽc. Ac gwedy
y dyỽot hyt ker llaw mynyw ac nat oed namyn ymdeyth
hanner dyd er·ryngthỽnt a gwybot o pasken a Gyllamwry
ar ssaysson eỽ bot en dyỽot wynteỽ a aethant en eỽ herbyn
wynt. a gwedy eỽ dyvot hyt pan ymwelssant o pob tv w+
ynt a gossodassant eỽ bydynoed ac a dechreỽassant ym+
lad. Ac wynt en|e wed honno en ymlad e marchogyon o po+
b parth a las megys e derỽyd en ryw damweyn hỽnnỽ. Ac
| « p 132r | p 133r » |