Cardiff MS. 1.363 (Hafod 2) – page 189v
Brut y Brenhinoedd
189v
1
A C gwedy hỽnnv e bỽ maylgwn gwyned
2
e tekaf hayach o|r holl vrenhyned a|th tywysso+
3
gyon enys prydeyn a dywreydvr llawer
4
o wyr crevlavn. kadarn en y arỽeỽ. hela+
5
ythach no nep. a chlotvorach noc vr|ỽn. pey
6
nat ymrodey y pechaỽt sodoma. a henny en
7
y kassaỽ y gan dyw a hvnnv a kynhelys enys
8
prydeyn en hollaỽl. ar chwech enys y gyt a hy.
9
ywerdon. ac yslont. a Gotlont. ac orc. a denma+
10
rc. a llychlyn. o vynych crevlavn ymladeỽ a|e kymh+
11
ellwys wrth y vedyant e|hvnan. A hwnnỽ o|r dywed en
12
eglwys ros ker llaw dyganhwy y kastell e hỽnan e bw varỽ.
13
AC en nessaf y vaelgwn e bv keredyc en vrenyn
14
gwr a karey kywdaỽdaỽl terỽysc oed hỽnnỽ
15
kas kan dyw a chan e brytanyeyt. Ac gwedy gw+
16
ybot o|r ssaysson y anwastatrwyd ef. Wynt a aeth+
17
ant hyt en ywerdon en ol Godmỽnt brenyn er
18
affryc a dothoed hyt eno a llynghes vavr kanthav
19
ac a|e goreskynnassey e kenedyl honno. Ac odyno
20
trwy vrat e ssaysson ef a deỽth a thry vgeyn myl
21
a chant myl o wyr er affryc kanthaỽ hyt en enys
22
prydeyn. Ac en er amser hỽnnv ed oedynt e ssaysson
23
paganyeyt. en e neyll rann o|r enys. ac en rann
| « p 189r | p 190r » |