Cardiff MS. 1.363 (Hafod 2) – page 79r
Brut y Brenhinoedd
79r
vdvnt gwrthlad maxen hyd na chaffey ef
arverv o tryded ran er amherodraeth meg+
ys e dyley o tadavl anryded. Ac gwelet o vevryc ma+
xen en kywarssangedyc y gan er amherodryon ef
a dywavt vrthav ar e wed honn. Pa achavs vaxen
e byd arnat ty ovyn Gratyan. kanys agoret yw y ty
fford trwy er honn e gellych dythev dwyn er amhe+
rodraeth y ganthav entav. Debre y gyt a my hyt en
enys prydeyn a ty a geffy coron teyrnas enys prydeyn. kanys evdaf brenyn brytaen essyd
gorthrvm o heynt a heneynt. ac nyt oes dym a da+
mvno yntev namyn kaffael y kyfryw was yevanc
dyledavc ac|wyt ty vrth rody y vn verch ydav a th+
eyrnas prydeyn y gyt a hy. kanys nyt oes vn mab
ydav namyn er vn verch honno. Ac vrth henny ky+
ghor y gan y wyrda a kymerth pa dyw er rodey en+
tev y teyrnas kan y vn verch. Ac vrth henny kymere+
dyc wu kan wyrda e teyrnas kanyhadv y vrenh+
ynyaeth y ty y gyt ar verch. ac ar y kennadvry ho+
nno yd anvonossant* wy vynhev y vynegy y tyth+
ev y kyghor hvnnv. Ac vrth henny o mynny dyth+
ev dyvot y gyd a|my e dechrev hvnnv a keffy ty. ac
| « p 78v | p 79v » |