Oxford Jesus College MS. 119 (The Book of the Anchorite of Llanddewi Brefi) – page 44v
Ystoria Lucidar
44v
ymhỽelei neb velle yr deyrnnas. A|duỽ a|vad+
deuaỽd y pechodeu yn|y bedyd. Ac ny madeua+
ỽd ef poennev pechaỽt. megys y|kerdynt
y|rei gỽiryonn drỽy ffyd. a llauur da yny
lyngkynt anghev y|gann y|uuched. A|vad+
deuir pechodeu y|rei annvoledic yn|y
bedyd. Madeuir. namyn gỽedy hynny
y|syrthyont. wynt a|ymoblygant yn|y rei
a|vaddeuit vdunt gynt. megys y|dyỽedir.
pob pechaỽt ar ny|s adefeisti. ac yn ol hynny
y|dyỽeit. ef a|e rodes ef yr poennev yny da+
lei y holl dylyet. Paham y|gat duỽ vdunt
wy gafel bedyd. a rinỽedeu ereill. ac yntev
yn gỽybot y|diffygyant ỽy o|hynny. o achos
yr etholedigyonn val y|dyỽetpỽyt vchot y
gymryt angkreifft y|vrthunt. Pa|ryỽ wat+
ỽar yssyd am yr yspryt glan ny madeuir nac
yma nac rac llaỽ. Annobeith myỽn penyt.
kannys yn|yr yspryt glan y|rodir madeuant
o|r pechodeu. Ac vrth hynny. pỽy|bynnac a
annobeithyo o|rat yr yspryt glan. Ac ny phe+
nyttyo hỽnnỽ ysyd yn gỽatỽar am|yr yspryt
glan. A|llyna y|pechaỽt ny madeuir. A|e ar+
gyỽed y|rei da y llad. neu y|marỽ o anghev
deissyuyt. Nac ef dim. kanny byd marỽ o
| « p 44r | p 45r » |