Oxford Jesus College MS. 119 (The Book of the Anchorite of Llanddewi Brefi) – page 48r
Ystoria Lucidar
48r
byt. Ac a|vyrryant awel nefaỽl. Ac aroglev
hynaỽs arnunt. nev ryỽ solans yyny* voent
ryd y|vynet yr neuad ny chymer vn mann yndi.
Ym pa|ryỽ furyf y|gossodir ỽynt yno. Yn|furyf
y|corfforoed y|buant yma. Ac ef a|dyỽedir am|y
diefuyl y|rodir vdunt corfforoed o|r awyr o|e
poeni yndunt. Pryt na synnyo corff dim. Ac
na allo gỽneuthur dim drỽydaỽ e|hun eithyr
a|wnel yr eneit drỽydaỽ megys drỽy beiryant.
Paham y kyfuyrgollir ef pann ryuelo dyny+
on ar|y gelynnyon. Wynt a|distryỽyant ev
hadeiladev yn gyntaf. nev a|e lloscant. Ac o+
dyna y|diueir y|perchennogyon megys y|dolu+
ryant o golli ev da. Ac o|boeni ev kyrff. Y corff
weithon yssyd pressỽyluot yr eneit. Ac am
dremygu ohonaỽ y kreaỽdyr y|distryỽir. Ac
y|lloscir ygyt ac ef. Ac vn ynt kannys beth
bynnac a|wneler yr eneit. ef a|dyỽedir y|wn+
euthur o|r corff. Ac vrth hynny yaỽn y|boeni
ygyt ac ef. Pa saỽl eneit a doant yr nef. Y|sa+
ỽl a drigyassant yno o|engylyon. Da digaỽn
yd attebeist ymi am|hynny. Dyỽet ti ymi. Pa
delỽ y|gỽnneir am vynedyat y|rei drỽc. Pann
dranghont y|deuant y kythreuleit ygyt yn
heityeu. A|phr ystellach vaỽr gantunt.
| « p 47v | p 48v » |