Oxford Jesus College MS. 119 (The Book of the Anchorite of Llanddewi Brefi) – page 59r
Ystoria Lucidar
59r
brwnstan. benn dramỽngyl. A christ a|e ỽreic bỽys.
Sef yỽ hynny a|e etholedigyonn y uudugaỽl o+
gonnyant a|ymchỽel y|nefaỽl gaerussalem y
dinas y|dat ef. Pa beth a|dyỽedir. ef a|waassana+
etha vdunt yn mynet hebiaỽ. Bỽrỽ ymeith
ffuryf y was yỽ hynny. A dangos o|e etholedigy+
on pa|ryỽ vn yỽ ef yn|y ogonnyant. Megys y
dyỽedir. Mi a ymdangossaf vy hun pa ryỽ peth a
dyỽedir. duỽ a uyd pob peth ym pob peth. Dyny+
olyaeth grist yỽ hynny. Ar holl eglỽys a|wledych+
ant yn dỽyuolder. A|duỽ a|uyd lleỽenyd y|baỽp
ygyt. Ac y|baỽp ar|neilltu. A phaỽp ar|neilltu
a|gaffant leỽenyd ar|neilltu. A phaỽb ygyt a
lyỽenhaant o edrych arnnaỽ. Beth a uyd am|y
byt wedy hynny. Y dorri. kannys megys y bu
drech gynt dỽfuyr diliỽ no|r byt. Velle y|byd vch
y|tan pymthec kyuyt yna no|r mynyd vchaf.
Aballa y byt yna o gỽbyl. Symut y|defnydyeu
a phoenev pechaỽt. nyt amgen noc oeruel. A
gỽres. A chynnllysc. A chynnhyrveu. A|mellt.
A tharanev. Ac agkymỽynasseu ereill a difulan+
nant o gỽbyl. Y defnydyeu pur hagen a|drigy+
ant yn|y lle. megys y|dyỽedir. Ti a|symudy ỽy.
Ac wynt a symudir. kannys megys y|byd an+
kyffelyp ansaỽd. A llun yn kyrff ni yna. noc
| « p 58v | p 59v » |