Oxford Jesus College MS. 119 (The Book of the Anchorite of Llanddewi Brefi) – page 97v
Buchedd Dewi
97v
vot attaỽ ac yn dyỽedut vrthaỽ. Ti·di ỽrda gỽynuy+
dedic pony ỽdosti heb ef yr hynn yd ys yn|y darparv
y|dauid sant dy athro di yglyn rosin. naỽn dyoer
heb·yr aedan. heb yr angel neur deryỽ yti o|e|dyly+
ỽyth o|r|vanachol gỽnneuthur y|vrat. nyt amgen
dodi gỽenỽyn y|myỽn bara. Ar bara hỽnnỽ a|rodir
idaỽ ef avory o|e|vỽytta. vrth hynny anuon gennat
hyt at dy athro ac arch idaỽ ymoglyt y|bara
ar gỽennỽyn yndaỽ. Sef a|oruc y sant tristav
ac ỽylaỽ. arglỽyd heb ef pa|delỽ yr anuonaf|i
gennat yno mor vyrr yr oet ac y|mae. nyt
oes long yn|baraỽt val y|galler y|chaffel. Anuon
heb yr angel dy|gyt·disgybyl nyt amgen Scuthyn
hyt y|traeth. a mi a baraf idaỽ vynet druod. Sef
a|oruc Scuthyn yn llaỽen gỽneuthur yr oedit yn|y
erchi idaỽ. A|dyuot y|tu ar|traeth. a|cherdet yn|y
dỽfuyr racdaỽ yny deuth y|dỽfuyr idaỽ hyt y|linyeu
Ac yn deissyuyt llyma anghenuil o|r mor yn|y gy+
mryt ar|y|geuyn ac yn mynet ac ef drvod yny|vv
ar|y|tir arall. Ac erbyn hanner dyd dyỽ pasc yr|oed
ef ygyt a|e athro. Ac val yr oed deỽi yn|dyuot o|r
eglỽys gỽedy offerennev. a|gỽedy pregethu yr|holl
vrodyr. nachaf y|guelei ef y|gennat yn kyuaruot
ac ef yn|y lle a|elỽir bed yscolan. Sef a|oruc deỽi y+
na bot yn llaỽen vrthaỽ a|mynet dỽylaỽ mynỽgyl
| « p 97r | p 98r » |