Oxford Jesus College MS. 20 – page 65v
Saith Doethion Rhufain
65v
am wneuthur hynny yn|y ỽyd ef. Hitheu
a dywaỽt pan·yỽ o dryc·anyan am
lygru y phan newyd y gwnathoed
hi hynny. ac na wnai vyth y kyfryỽ.
Ac yna y tewit ỽrthi. A thrannoeth gỽ+
dy dywedut y mam hynny. hi a dywa ̷+
ỽt y bot yn karu gwas ieuangk. A
gwedy gouyn o|e mam idi pỽy a garei
hitheu a dywaỽt nat march·aỽc oed
namyn yr offeiryat plỽyf. Ac na
wnai vocsach kanys kyurinachỽr
da oed. Je heb y ma·m medylya yn
gyntaf rac bot yn greulonach dial
y gỽr hen gwedy ỻittyo no gỽr jeu+
angk. A phraỽf ef y dryded weith o
annoc y mam hi a|e proues val hynn.
val yr oed diwarnaỽt yn gỽnethur*
gỽled y vonedigyon a phennadury ̷+
eit y dinas. gwedy gossot paỽb y eis+
ted. a gwassanaethu arnadunt o|r
anrec gyntaf. hitheu a rỽymaỽd
| « p 65r | p 66r » |