Oxford Jesus College MS. 57 – page 186
Llyfr Blegywryd
186
cỽbyl o alanas. namyn un geinyaỽc. ac am
hynny y sarhau. ef a|dyly tal y sarhaet. a|phei
ỻedit ny chaffei dim. Trydyd yỽ; caeth. nyt oes
alanas idaỽ. namyn talu y werth o|e arglỽyd
ual gỽerth ỻỽdyn. Tri dyn a|dylyant alanas
ac ny dylyant sarhaet. vn yỽ; ynuyt. a|dyn a
ladher a|gỽenwyn. a|dyn a|lader a|saeth trỽy a+
raỻ. Tri dyn ny dylyant na galanas na sarha+
et kyt ỻader. vn yỽ; dyn a|ladho aniueil. a dyn
a|gaffer yn rodyaỽ ystaueỻ y brenhin hyt nos
heb na|than na goleuat yn|y laỽ. a|dyn a|lader
a|phrenn yn|y vỽrỽ gan y rybudyaỽ. Teir mer+
chet a|dylyant talu amobreu. ac ny dyly eu
tateu dalu ebediweu. vn yỽ; gỽr a ymdihenydyo.
kany|dyly ebediỽ gỽr a|ymdihenydyo e|hun. a|e ver+
ch a|dal amobyr. a merch gỽr a|dalo gobyr ystyn.
a merch gỽr o dref gyfrif a|vo marỽ heb uab idaỽ.
Y verch a|dyly talu amobyr. A|oes un ỻe y dylyo
dyn coỻi y adeil ac ny choỻo y dir. Oes. O|r|der+
uyd bod amrysson rỽng deudyn am tir. a rodi o|r
| « p 185 | p 187 » |