NLW MS. Llanstephan 27 (The Red Book of Talgarth) – page 119r
Efengyl Nicodemus
119r
ac yn gloffyon ac yn grymyon. ac yn glafreit. ac yn rỽymedic
y gennyf. a iachaaỽd ef o|e ymadraỽd. a|r rei a|dugum i attat ti
yn ueirỽ. ynteu a|e tynnaỽd yn vyỽ. Pỽy heb·yr uffern yn at+
teb y sathan tywyssaỽc y dyn kyuoethaỽc ac ovyn angeu ar+
naỽ. kanys hoỻ gyuoethogyon y daear a dylyant darostỽng
ydan vyng|gaỻu i. a|r rei hynny a|dugost titheu o|th geder+
nit. Ac|ỽrth hynny ot|ỽyt gadarn di pa|ryỽ dyn yr iessu hỽnnỽ
ac ovyn angeu arnaỽ a ỽrthỽyneppo y|th gedernit ti. os kyn
gyuoethocket ef a hynny yn uvuddaỽt. Mi a|dywedaf ytt yn
wir y vot yn gyuoethaỽc y|n·wywolyaeth. ac ny eiỻ neb ỽr+
thỽynebu y aỻu ef. Ac os efo a|dyweit bot arnaỽ ovyn ang+
eu dy garcharu di a|wna ef ac a vynn. ac yna y byd gỽae ytti
yn|yr|oes tragywyd. Ac yna yd|attebaỽd sathan dywyssaỽc uff+
ern. Pa|ryỽ betruster yssyd gennyt ti nat ofynhaa Jessu
yr yn|gỽrthỽyneb ni ui a|thi. kanys profeis i efo. a mi a
gyffroeis vy hen bobyl i Jdewon ar eidiged ac irỻoned yn|y
erbyn ef. ac a vlaenỻymeis leif y vrathu y·dan y vronn. ac
a|gymysgeis diaỽt idaỽ o|win egyr a|bystyl. ac a|baratoeis y
prenn y|grogi. a|r kethri y eu hordi yndaỽ. ac yr aỽr·honn a+
gos yỽ ynteu y angheu. a mi a|e dygaf ef yn darestyngedic
y mi vi a|thi. Ac yna yd attebaỽd uffern. Ti a|dywedeist ymi
panyỽ hỽnnỽ a|duc y meirỽ y gennyt ti. kanys ỻawer ys+
syd o|r a etteleis i yma. y rei tra yttoedynt vyỽ ar y daear a
dugant y meirỽ y gennyf drỽy wedieu dwywaỽl. kanys
eu hoỻgyuoeth* duỽ ỽy a|e duc ỽynt y gennyf|i y meirỽ o|eir
agattoed heb wedieu neb. Hỽnnỽ a|duc lazar gỽedy y|uarỽ
ym|penn y pedweryd dyd yn ỻygredic. ac a|e gỽnaeth yn vyỽ
| « p 118v | p 119v » |