NLW MS. Llanstephan 4 – page 32v
Buchedd Beuno
32v
dref e|hun a elwit keỻynnyaỽc yn dra+
gywydaỽl. heb val a heb ardreth. a heb
uedyant y dyn o|r byt arnei. Ac yno y
gỽnaeth beuno lawer o|wyrtheu drỽy
nerth duỽ y rei ny aỻei dyn o|r byt eu
rifaỽ. Ac yn yr amser hỽnnỽ ef a dam+
chweinyaỽd mynet vn o weithwyr a+
berffraỽ y lys yn·yr gwent. ac o|r byt
nyt oed was ieuangk degach no hỽnnỽ
A phan weles merch ynyr gỽent y gỽas
jeuangk hỽnnỽ. hi a|e karaỽd ef yn
gymeint ac na mynnei hi vot hebdaỽ
A|r brenhin a adnabu hynny yn|y ỻe ac
a|e gỽybu. ac a dewissaỽd rodi y|r gỽas
hỽnnỽ y verch yn briaỽt rac y gymryt
ohonei ef o aruer araỻ. Dieu oed
ganthaỽ ynteu rac tecket y gỽas a|e
aduỽynet y vot yn vab y vrenhin ac
yn|dylyedaỽc. A gỽedy talym o amser
ef a ymchoelaỽd y gỽas ieuangk hỽnnỽ
a|e wreic ygyt ac|ef tu a|e wlat ac a
doethant hyt y ỻe a elwir pennard yn
aruon. ac yna y disgynnassant ỽy y
ar eu meirch. a|gorffowys a|wnaethant
yno. Ac o dra·blinder a ỻudet kysgu a
syrthyaỽd ar yr unbennes. Sef a|wnaeth
| « p 32r | p 33r » |