NLW MS. 3035 (Mostyn 116) – page 160r
Brut y Tywysogion
160r
gytymdeithon a ỻosgi y|ty a|wnaeth Madaỽc am|ben Joruerth. a|phan
welas kytymdeithon Joruerth hynẏ kyrchu aỻan a orugant drỽy
tan. ac adaỽ joruerth yn|y tan. ac ynteu pan welas y ty yn dy·gỽy+
daỽ keissaỽ kyrchu aỻan a|oruc a|e elynẏon a|e kymerth ar wlaen
geỽyr* ac yn at·losgedic y lad. a phan gigleu henri vrenhin
ry|lad Joruerth rodi powys a wnaeth y gadỽgaỽn vab bledẏn. a
hedychu ac ywein y vab ac erchi y|gadỽgaỽn anuon kena+
deu yn ol ywein hyt yn iwerdon. a gỽedy gỽybot o vadaỽc
a|rei a ladyssynt Joruerth gyt ac ef ry|wneuthur aghyffreith o·na+
dunt yn erbẏn y|brenhin. ỻechu myỽn coedyd a|orugant ac
aruaethu gỽneuthur brat kadỽgaỽn. a chadỽgaỽn heb vynu
argywedu y|neb megys yd oed voes gantaỽ a doeth hyt yn
traỻỽg ỻywelyn ar vedyr trigyaỽ yno a|phressỽylaỽ ỻe yd oed
hyrỽyd ac agos y vadaỽc. Ac yna anuon yspei·wyr a|oruc
Madaỽc y|ỽybot ple|y bei gadỽgaỽn. a|r rei hynẏ a doethant
drachefẏn ac a dywedassant y neb yd|oedynt yn|y geissaỽ ym+
heỻ y|mae hỽnỽ ae* yn|agos ac ynteu a|e wyr yn|y ỻe a|gyrch+
aỽd kadỽgaỽn. a chadỽgaỽn heb dybyaỽ dim drỽc a ymwna+
eth yn ỻesc heb vynu fo a heb aỻel ymlad wedy fo y wyr
oỻ a|e gael ynteu yn vnic a|e lad a gỽedy ỻad kadỽ·gaỽn
anuon kenadeu a oruc Madaỽc at rikert escob ỻundein y
gỽr a oed yn kynal ỻe y brenhin ac yn|y lywyaỽ yn amỽythic
y erchi idaỽ ef y tir y|gỽnathoedit y|kyflauaneu hyny ym+
danaỽ. a gỽedy rac·welet o|r escob yn gynil y achỽysson ef
heb rodi messur ar hyny y oedi a oruc nyt yr y karyat ef na+
myn adnabot ohonaỽ deuodeu gỽẏr y|wlat mae ỻad mae
ỻad a|wnae bob vn onadunt y gilid. a|r kyfran a vuassei
idaỽ ef ac ithel y vraỽt kyno hyny a|rodes idaỽ a phan gigleu
| « p 159v | p 160v » |