NLW MS. 3036 (Mostyn 117) – page 124
Brut y Brenhinoedd
124
Ac yn llad y pobloed. A phan gigleu Gỽrtheyrn
hynny. kynnullaỽ y varchogyon a|wnaeth yn+
teu a|mynet yn eu herbyn ỽy. A guedy dyuot y
deulu ygyt. ac ymlad. ny bu reit hayach y|r kiỽt ̷+
aỽtwyr ymlad y|dyd hỽnnỽ. kanys y ssaesson a
ymladassant yn kyn ỽrolhet. A|r gelynyon a oed+
ynt yn pylu y kiỽtaỽtwyr; hyny uu reit udunt
ymchoelut ar ffo yn gewilydyus.
A Guedy caffel o ỽrtheyrn y uudugolyaeth
honno trỽy y saesson. ynteu a amlaỽys yn|y
lle rodyon udunt ỽynteu. Ac y hen·gyst eu tywy+
ssaỽc y rodes yn sỽyd lindysei tir a dayar megys
y|gallei ymossymdeithaỽ yn da o·honaỽ. Ac ef a|e
gytuarchogyon. Ac odyna mal yd oed hengist
yn ỽr doeth call ystrywyus guedy gỽybot o·hon+
aỽ ry|gaffel ketymdeithas y brenhin a|e garyat.
Sef a wnaeth ymadraỽd a|r brenhin yn|y wed hon.
Arglỽyd heb ef dy elynyon yssyd yn|ryuelu arn+
at o pop parth. A hyt y|guelir imi heuyt ychydic
o wyr dy teyrnas a|th gar. kanys eu can|mỽyhaf
a|glywaf ui y|th o gyuadaỽ ti am dỽyn emreis
wledic o lydaỽ am dy pen a|th diot o|th vrenhiny+
aeth. Ac ỽrth hynny os da genhyt titheu ac o byd
ranc bod; kyghor yỽ genhyf|i anuon kennadeu
hyt vy|g·wlat i y wahaỽd marchogyon etwa ody+
no megys y bo mỽy a|chadarnach an niuer ni
ỽrth ymlad a|th elynyon titheu. Ac val y bo dib+
| « p 123 | p 125 » |