NLW MS. Peniarth 11 – page 101r

heb dywedut un geir. heb symudaỽ na throet na ỻaỽ. megys pei

atuei marỽ. ac yn drỽc gan y tylỽyth y vot ueỻy rac y|decket gỽr

a|e veint. ac am nat atwaenynt ỽy ef. yr hynny ual kynt yd oed

yno uarchaỽc urdaỽl a|atwaenat laỽnslot ac a|e gỽelsei. val

hynny y gorssedaỽd ef yno pedwar diwarnaỽt ar|dec heb neb

ryỽ obeith gan neb o|r ty ỽrthaỽ. Ac yn|y pymthecuet dyd yng+

kylch hanner dyd ef a|agores y lygeit. A|phan|weles ef y tylỽyth

ef a|dechreuaỽd tristau. ac a|dywaỽt. Och duỽ heb ef paham y

deffroeist di vyui mor ehegyr a hynn. kanys ny aỻei gaỻonn

medylyaỽ y dirgeledigaetheu a|weleis j. A|phan weles tylỽyth

y ty hynny ỽynt a|vuant lawen. ac a|ouynnassant idaỽ beth

a|welsei. ac ynteu yna a dywaỽt. Mi a|weleis heb ef o enryued+

aỽt ar ny aỻei gaỻon|dyn y uedylyaỽ a|hynny o|betheu ysprydaỽl.

a|phany bei uym pechodeu mi a|welsỽn a|vei vỽy. ac o achaỽs vym

pechodeu a|m diryeidi y coỻeis j gaỻu vyng|corff a|m clybot a|m

dywedut. Yna laỽnslot a|dywaỽt arglỽydi heb ef ryued yỽ gen+

nyf|i pa|delỽ y|m kaffat i yma. kanys ny daỽ kof ymi pa delỽ y de+

uthum yma. ac ỽynteu yna a|dywedassant pa|delỽ y kaỽssoedynt

yỽ* ef. a|pha ffuryf y bu ef y·gyt ac ỽynt bedwar diwarnaỽt ar|dec.

A|phan gigleu ynteu hynny ef a|dechreuaỽd medylyaỽ pa ystyr

oed idaỽ ef uot yn|y mod hỽnnỽ yn gyhyt a|hynny. Ac yna ef a

uedylyaỽd panyỽ kyhyt a|hynny o amser y bu ef yn gỽassan+

aethu y elyn. Ac yna ef a|ouynnaỽd pa le yr oedynt y rei a vuas+

sei gyt ac ef. ac ỽynteu a|dyỽedassant eu bot yng|kasteỻ corben+

nic. ac ar hynny nachaf yn|dyuot attaỽ gỽreic. ac yn dỽyn i+

daỽ diỻat ỻiein newydyon o|e gỽisgaỽ. ac ynteu a|dywaỽt na|s