NLW MS. Peniarth 11 – page 158v
Ystoriau Saint Greal
158v
ganthaỽ na chafas mynet y warandaỽ yr offeren. Ac ar ̷
hynny nachaf vorỽyn yn|dyuot attaỽ. ac yn|dywedut. Po+
ny chlywy di y gỽassanaeth tec yd|ys yn|y wneuthur o acha ̷+
ỽs y cledyf a|dugost di yma. a|gỽynn oed dy vyt titheu pei ga ̷+
ỻassut vynet y|r capel. ac o achaỽs ychydic iaỽn o barabyl na ̷
chefeist di vynet yno kanys kyn|santeidyet yỽ y capel. ac na ̷
lyfasso offeiryat vynet idaỽ o|bryt naỽn duỽ sadỽrn. o|hynny
hyt duỽ ỻun pan gyuotto yr heul. ac yr hynny ef a glywir
yno y gỽassanaeth teckaf o|r a|glyỽspỽyt eiryoet myỽn capel.
A gỽalchmei o|lit ỽrthaỽ e|hun nys attebaỽd hi o vn geir. Je
heb yr vnbennes duỽ a vo gỽarcheitwat arnat beth bynnac a
heydyeist yma. kanys mi a|debygaf nat arnat ti yd|oed y
diffic pei caỽssoedut gennat o|e dywedut. ar|hynny yr vnben+
nes a|aeth ymeith. a|gỽalchmei a|gigleu y corn eilweith yn
canu. ac a glywei lef yn dywedut ỽrthaỽ yn vchel. ar ny han+
ffo o|r ỻys honn yma. aet ymeith pa|vn|bynnac vo. kanys y|ma+
e y pynt gỽedy eu gostỽng. a|r pyrth yn agoret a|r ỻew yn|y
seler. a gỽedy hynny ef a|vyd reit dyrchafel y pynt. kanys
brenhin y casteỻ marỽ yssyd yn ryuelu ar y brenhin hỽnn.
o|r achaỽs y daỽ y angheu idaỽ ~ ~ ~
A R hynny gỽalchmei a aeth aỻan o|r neuad. ac a gafas
y varch yn baraỽt gỽedy|r gweiryaỽ. ac esgynnv ar y
varch a|oruc a dyuot dros y|pynt y rei nyt oedynt tebic y|r nos
gyn no hynny. a marchogaeth a|oruc ef gan ystlys yr auon
yr honn|a|oed yn redec drỽy y glynn. ac odyno ef a|doeth y ffo+
rest vaỽr. ac a|disgynnaỽd arnaỽ glaỽ maỽr a|chenỻysc a
| « p 158r | p 159r » |