NLW MS. Peniarth 11 – page 203ar

Arglỽydes heb·yr arglỽyd y corsyd dy vab di a|m anafaỽd i ac a|m

duc y|ngharchar a|mi a|m gỽyr goỻỽng di vyui yn ryd. a|minneu

a|rydhaaf ytti gỽbyl o|th gestyỻ a|th amrygoỻ gyt a|hynny. Pỽy

heb·y paredur a|ymendaa y chewilyd hitheu a|e choỻet am y mar+

chogyon y rei a|ledeist di heb drugarhau ỽrthunt. ac am hynny

kyfryỽ naỽd a|r kyfryỽ drugared ac a|vu gennyt ti am vy mamm

i a|m chwaer. a|geffy ditheu y gennyf|inneu. Y·gyt a hynny

duỽ a|erchis yn|yr hen gyfreith ac yn|y newyd wneuthur kyfre+

ith ar y neb a|lado kelein ac ar y neb a|vo tỽyỻỽr. ac ueỻy y gỽn+

af|inneu a|thitheu. a gỽybyd di na thorrir y|orchymynneu ef

yrof|i. Yna ef a|beris dỽyn tỽrnel maỽr y berued y ỻys. ac yno

dỽyn y naỽ marchaỽc urdaỽl. a thorri penn pob un onadunt

a|e daly yỽch penn y kyff hyt tra vei vn davyn o|r gỽaet yn

redec o|e gorff hyt nat oed yn|y tỽrnel namyn gỽaet oỻ. A gỽe+

dy hynny efo a beris dwyn yno arglỽyd y corsyd. a|rwymaỽ

y dwylaỽ a|e draet yn ffest y·gyt. a|gỽedy hynny ef a ymliwaỽd

ac ef a|dywaỽt ỽrthaỽ. Arglỽyd y corsyd heb ef. eiryoet ny che+

ueist digaỽn o waet marchogyon urdolyon vy mam i. ỽrth

hynny mi a|baraf ytt digaỽn o waet dy varchogyon dy|hun.

Ac yna ef a|beris y grogi erbyn y draet yỽch benn y tỽrnel. a

goỻỽng y benn hyt y dwy ysgỽyd yn|y gỽaet. ac ueỻy y adel

yny vodes. A|gỽedy hynny ef a beris dỽyn y gorff ef a|chyrff y

marchogyon ereiỻ. ac a|beris eu bỽrỽ y|myỽn pỽỻ maỽr yn|y

ỻe y bwryit esgyrn kỽn a meirch meirỽ. a|r tỽrnel a|r gỽaet

ef a beris eu|bỽrỽ yn|yr avon. Y chwedleu hynny a|aeth y bop

ỻe dywedut daruot y vab y wreic wedỽ ỻad arglỽyd y corsyd.

a|r rei goreu o|e varchogyon urdolyon. ac veỻy yd aeth y ovyn