NLW MS. Peniarth 18 – page 11r
Brut y Tywysogion
11r
1
hayarnn. Ac ymaruoll ygyt a|ỽnaethant yn|dirgele+
2
dic yr teruynn hỽnnỽ y|deuthant. Y ulỽydyn rac
3
llaỽ y|paratoes madaỽc urat ioruerth a|uedỽlyassei
4
kynn o|hynny. A cheissaỽ amser a|chyfule a oruc y|gyf+
5
uleỽni y|eỽyllys. A phann ymhoelaỽd ioruerth y|gaer
6
einaỽn. y|kyrchaỽd madaỽc. a chytymeithon llyỽarch
7
ygyt ac ef. ynn borth idaỽ kyrch nos am benn ioruer+
8
th. a dodi gaỽr a|orugant yg|kylch y|ty lle yd|oed ior+
9
uerth. A duhunaỽ a|ỽnaeth ioruerth gann yr aỽr. a|cha+
10
dỽ y|ty arnaỽ ef a|e getymeithon. a llosci y|ty a|oruc
11
madaỽc am|benn ioruerth. a|phann ỽelas ketymeithon
12
ioruerth hynny kyrchu allan a orugant trỽy y|tan
13
Ac adaỽ ioruerth yn|y tan. Ac ynteu pann ỽelas y|ty
14
ynn dygỽydaỽ keissaỽ kyrchu allann a|oruc a|e elyn+
15
yon a|e kymerth ar ulaen gỽayỽar. Ac yn at·losge+
16
dic y|lad. A|phann gigleu henri urenhin ry|lad ior+
17
uerth. rodi poỽys a|ỽnaeth y|cadỽgaỽn uab bledynn
18
a|hedychu ac yoỽein y|vap. Ac erchi y gadỽgaỽn an+
19
uon kennadeu ynn ol yỽein hyt yn Jỽerddon. A gỽe+
20
dy gỽybot o|uadaỽc ar rei a ladyssynt ioruerth gyt
21
ac ef. ry|ỽneuthur agkyureith onadunt ynn erbyn
22
y|brenhin. llechu y|myỽn coedyd a|orugant. Ac arua+
23
ethu ỽneuthur brat cadỽgaỽn. A chadỽgaỽn hep vyn+
24
nu argyỽedu y|nep meges yd oed uoes gantaỽ. a do+
25
eth hyt ynn trallỽg llyỽelyn. ar uedyr trigyaỽ yno
26
a|phressỽylaỽ. lle yd|oed hirỽyd. ac agos heuyt y va+
| « p 10v | p 11v » |