Breudwd Welsh Prose 1300-1425
Cymraeg

NLW MS. Peniarth 18 – page 37v

Brut y Tywysogion

37v

ar|ueder y darestỽg. kanys y|gynifer gỽeith y
gallei yỽein ỽrthỽynebu yr arglỽyd rys y|gỽr+
thỽynepei ynteu. A rys a|e kymellaỽd y darest+
ỽg idaỽ. Ac a gymerth seith ỽystyl y|gantaỽ.
Ac yg|kyfrỽg hynny ofynhav a|ỽnaeth y|bren+
hin yr apostolaỽl ysgymundaỽt. A chann adaỽ
gỽladoed ffreinc ymhoelut y loegyr a|dyỽedut
y|mynnei vynet y darestỽg Jỽerdon. ac ỽrth hyn+
ny ym·gynullaỽ a oruc attaỽ yr arglỽyd rys
o|r lle yd oed yn llỽyn danet. am·gylch yr ỽyl y|ga+
net yr arglỽydes ueir. Ac ym·gyfeillaỽ a|oruc ar
brenhin trỽy adaỽ idaỽ try|chann meirch. a phe+
deir mil o ychen. a|phetỽar gỽystyl ar|hugeint.
A|gỽedy hynny y|dynessaaỽd y|brenhin y deheubarth.
Ac yn|yr hynt honno ar auon ỽysc y|duc gantaỽ
Joruerth ap oỽein ap caradaỽc ap grufud. Ac o achaỽs
hynny y|distryỽaỽd ioruerth ap yỽein. A|e deu uap.
yỽein. a|hyỽel a|anyssit idaỽ o agharat uerch
uchdryt. ac escop llann·daf. A morgant uap seisyll
vap dyfynỽal o agharat uerch oỽein chỽaer y
ioruerth ap yỽein gyt a|llaỽer o rei ereill. dref
kaerllion ac y|llosces hyt y castell. Ac y|diffeith+
aỽd y|ỽlat hayach o|gỽbyl. Ac yna y|deuth y|bren+
hin a|diruaỽr lu gantaỽ hyt ym penuro yr vn+
uettyd ar|dec ar galan hydref. Ac y|rodes yr ar+
glỽyd rys keredygyaỽn ac ystrat|tyỽi. Ac ys+