NLW MS. Peniarth 190 – page 135
Ystoria Lucidar
135
rei hynny y|dywedir. Kilyỽch y ỽrthyf|i y
rei emeỻdigedic. kanny rodassaỽch ym vỽ+
yt pan vu newyn arnaf. na|diaỽt ym pan
vu sychet arnaf. ac ueỻy am bop vn o+
honunt ual y rei ereiỻ y|dywedir. ac o|r
geireu hynny y dangossir ym paham
y kyfyrgoỻir ỽyntỽy. panyỽ am dre+
mygu o·honunt prynu eu pechodeu o
alussenneu. a gỽybyd di na|dyweit ef deu+
ỽch chỽi y rei bendigedic a mi a|ch em+
eỻdigaf. namyn deuỽch chỽi y rei ben+
digedic. ac eỽch chỽitheu y rei emeỻdi+
gedic. discipulus Pỽy ynteu a emeỻdigaỽd y
rei hynny. neu a|emeỻdigaỽd y rei ere+
iỻ. Magister|Yr yspryt glan beunyd drỽy eneu
eu kedymdeithon. ac engylyon a ven+
dicka yr etholedigyon. megys y|dywe+
dir. Bendigedic yỽch y gan yr arglỽ+
yd. ac eilweith y|dyweit. Bendith yr
arglỽyd arnaỽch. a|r rei drỽc a emeỻdi+
ka drỽy eneu paỽp. megys y dywedir.
Emeỻdigedic ynt y rei a|gilya y ỽrth
| « p 134 | p 136 » |