NLW MS. Peniarth 190 – page 206
Ymborth yr Enaid
206
y dỽvronn* o|e elgeth hyt y wregys. a|chrys
a|ỻaỽdyr o|r bissỽin mein·wynn. Sef yỽ
y bissỽin meinỻin o wlat yr eifft. Ac esgitt+
yeu o|r cordwan purdu. yn arỽydockav
y|dynaỽl gnaỽt a gymerth ef o|r dayar
dywyỻ. a|gỽaegeu o|eur yn kaeu ar y
mynygleu. a ỻafneu o eur yn gyflaỽn
o|wynyon emmeu o vynygleu y traet
hyt ym|blaen y byssed. Ac ar uchaf y b+
ais glaerwenn honno a|arỽydockaei kan+
heitliỽ diargywed y gỽerydon yd oed ys+
gin o bali fflamgoch gỽedy y ỻiỽaỽ a
gỽaet pedeir|mil a seith ugein|mil o
uerthyri meibyon diargywed a|las yn ke+
issyaỽ crist yn|y enỽ ef kynn bot un o+
honunt yn|dỽyvlỽyd. A hynny oỻ a|oed+
ynt yn|y gylch ef yn canu gỽaỽt idaỽ
ar ny aỻei neb y daear vch y|daear
nac is y|daear y|chanu namyn ỽynt
e|hun Ac ystyr y waỽt a|genynt hyt y gaỻei
y braỽt y deaỻ oed hynn.
| « p 205 | p 207 » |