NLW MS. Peniarth 190 – page 268
Penityas
268
segur gormod a|godinabus. Yn ffuc a
ffalsed. Yn ffalstyeu amyl ac amryuael.
Yn ymgeinuaeu ỻawer. Yn ỻefoed torre+
digyon. Yn adaỽ y|duỽ ac y dynyon heb
y gywiraỽ. Yng|gwyt anniolch. Yn ym+
gymryt yn valch. yn anwastatrỽyd ar+
uedyt. Yng|geu gredyf. Yn ffals santeid+
rỽyd. Yn ỻewenyd an·adas. Yn chwaryeu
tỽyỻodrus ac amharchus. Yn hir vedyly+
eu amryuael. Yn ffals ym·dangossediga+
eth. Yn ymdeimlaỽ yn ansyberỽ. Yn ha+
logedigaeth knaỽt nos a dyd. Yn ardysc
dybryt. yn diffygedigaeth ac eisseu ediuarỽch.
Yn ebryuygu a ỻeihau kyffes. Yn adaỽ a
gadel dros gof gỽneuthur y iaỽn. yng|cale+
dỽch ac annihewyt gaỻon. Yn llesged a
blinder gỽneuthur y da. Yn goganu yn
wastataỽl. Yn heu kaentach ac angkyttun+
deb. Yn kymryt person vn yn vỽy noc araỻ.
yn gỽerthu rodyon a|gaffỽn yn rat. Ac
nat ymbaratoeis yn|y mod y|dylyỽn ac y
| « p 267 | p 269 » |