NLW MS. Peniarth 190 – page 52
Ystoria Lucidar
52
o|da ae o gyngor nyt y rei yssyd yn
gỽneuthur y drỽc e|hun yssyd deilỽng.
y angheu. namyn a|gytsynyo ac ỽynt.
ac o chyt·synnyir ef a dylyir eu gochel
rac eu bot yn achaỽs y gỽymp y bo+
byl. discipulus A dylyir dywedut geireu duỽ. y|r
rei drỽc. Magister O|r gỽybydir eu bot yn hon+
neit elynyon y duỽ. ny dylyir y dywe+
dut udunt. kanys tỽyỻwr yỽ y|neb a
adefo kyfrinach y arglỽyd y|r neb a wypo
y vot yn elyn idaỽ Odyna y gorchymynnir.
ual|hynn. Na rodỽch chỽi y bara bendige+
it y|r cỽn. ac na vyrỽch y gemeu y|r moch.
rac eu sathru dan eu traet. a gỽattwach*
amdanaỽch. ỻe ny wyper hagen eu bot
ỽynteu veỻy. ef a|dylyir pregethu udunt
o|e trossi y|r iaỽn. a|r arglỽyd a|bregethaỽd
gynt y bedyr ac y|r ebystyl am wybot bot
Judas a|r pharistywyssogyon yn teruys+
gu. discipulus A|dylyir eu godef ỽynteu ual y go+
defaỽd crist Judas. Magister|Ef a|dylyir ym+
| « p 51 | p 53 » |