NLW MS. Peniarth 33 – page 10
Llyfr Blegywryd
10
penteulu NAỽd ẏ|gostgỽr* yỽ; o|r os+
tec kẏntaf a|dotto ẏnn|ẏ newad* hẏt
ẏ|diwetha. NAỽd drẏssaỽr neuad
ẏỽ; hebrỽg ẏ|vreich a|hẏt ẏ|wialen
parth a|r|porthaỽr. kannẏ* ef a|e her+
bẏn. NAỽd ẏ porthaỽr ẏỽ; cado* ẏ
dẏn ẏ|rother naỽd idaỽ hẏt pan|del
ẏ|penteulu trỽẏ ẏ|porth parth a|e|letẏ
A|e ellỽg gẏt ac ef ẏ|gẏmryt naud
hẏt pan adaỽho ẏ|dyn diwethaf ẏ
llẏs NAỽd drẏssaỽr ystaueỻ ẏỽ;
hebrỽg ẏ|dẏn at ẏ|porthaỽr. NAỽd
morỽẏn ẏstaueỻ ẏỽ; kymeint a
naỽd gỽas ẏstauell brenhin NA+
ỽd gỽastraỽt avỽẏn ẏỽ. tra wnel
ẏ|gof llẏs pedoleu. ac eu to o|hoelẏon
a|thra bedolo amỽs ẏ|brenhin NA+
ỽd canhỽyllẏs* ẏỽ; o|r pan enynn+
her ẏ|ganhỽẏll gẏntaf hẏt pann
diffoder ẏ|diwethaf. NAỽd trullẏ+
at ẏỽ; o|r pan dechreuher gỽallaỽ
ẏ|gerỽẏn gẏntaf hẏt pan wallofẏ+
er y|diwethaf NAỽd ẏ|medẏd ẏỽ;
o|r pan dechreuho parattoi ẏ|gerỽẏn
ved hẏt pan darffo ẏ|chudyaỽ. ~ ~
| « p 9 | p 11 » |