NLW MS. Peniarth 33 – page 125
Llyfr Blegywryd
125
a|e|gilẏd o|r torrir aelaỽt ẏ|r brenhin
ẏ vot ẏn vn werth ac aelaỽt ẏ|bila+
ein. ac eissoes mwẏ ẏỽ gwerth sa ̷+
rhaet brenhin. neu breẏr no sar+
haet bilaein o|r trẏchir aelaỽt idaỽ.
E Neb a|gnithẏo dẏn; alet* ẏ|sar ̷+
haet ẏn gẏntaf. kannẏs dẏr+
chaf a gossot ẏỽ sarhaet dẏn; A
cheinnaỽc ẏg|kẏueir pob bẏs o|r
a|el ẏnn|ẏ benn. ~ a|dỽẏ ẏg|kẏueir ẏ ̷ ̷
vaỽt a cheinnaỽc dros bop bleỽẏn
bonwẏn. a|tẏnner o|e|benn. A phede ̷+
ir ar|hugeint arẏnat* dros ẏ gwallt
taldrwch. DẎrnaỽt a|gaffo dẏn o ̷
anuod. nẏt sarhaet hỽnnỽ. na ̷ ̷+
mẏn iaỽn hagen ẏỽ. difwẏr* ẏ ̷ ̷
gwaet. a|r|weli. a|r|greith ogẏuarch
o|r|bẏd Dewisset bawp ẏ|sarhaet
ae o|vreint ẏ|penkenedẏl. Ae o|e vreint
e|hum*. Ae o|vreint ẏ swẏd. ~ ~ ~ ~ ~ ~
G alanas penkenedẏl a|telir
o tri naỽ mu. a|thrinaỽ vge+
in mu. gan tri drẏchauel. Gwerth
ẏ sarhaet ẏỽ. tri naw mu. a|thri
| « p 124 | p 126 » |