NLW MS. Peniarth 35 – page 118v
Llyfr y Damweiniau
118v
yr haỽlỽr gouyn pỽy y kyghaỽs. pỽy
y kanllaỽ. Ac yna dywedet ynteu
pỽy ynt. Ac yna gouynher idaỽ a| dyt
ef colli neu caffel yn eu pen vy. Ac
yna dywedet ynteu y dodi. Ac Odyna
gouynher yr amdiffynnỽr a dyt yn+
teu yn y pleit a uo y gyt ac ef. Ac
yna y mae iaỽn idaỽ ynteu adef y dodi.
Ac y mae iaỽn kymryt bot yn colli ca+
ffel yr hyn ry dywedassam ni uchot. ~
A honno a| elwir yn tyllwed. Ac Odyna
kyghaỽssed. Ac odyna kymeret yr ynat
y dỽy kyghaỽssed ac eu datcanu ar kyho+
ed kyn ny y kychwynu o|e le. Ac gwedy
hynny aent yn eu braỽt le. yr yneit ar
offeirat y gyt ac wynt vrth wediaỽ ar
righyll vrth cadỽ y plas. A barnet y ura+
ỽt. Ac gwedy ys barno. deuet y myỽn. A
chyn y datcanu. kymeret tyllwed y mach
ar y obyr. Ac gwedy hynny datcanet y
uraỽt. Ac yr neb y barnher yr haỽl Bit
dilis yr haỽl idaỽ. O deruyd dodi gostec yn| y
maes. teir bu camlỽrỽ a| tal. A bot yn ano+
lo a| dywetto ac idaỽ ef ac yr kyghaỽs; ~ ~
O deruyd y dyn rodi aryant neu ysgrybyl
ar arall. Ac o|r da hỽnnỽ kyfnewitya ỽ
| « p 118r | p 119r » |