NLW MS. Peniarth 45 – page 49
Brut y Brenhinoedd
49
A chan uudugolyaeth ar freinc y gyt ac
wynt. kyn pen y ulỽydyn y kyrchassant
parth a ruuein y dan anreithaỽ a|ỽrthỽyn+
epei udunt heb trugared.
AC yna yd oed gabius a phorcenna
yn amherodron yn ruuein. Ac gỽe+
dy gwelet o|r gwyr hynny na ellynt
ymerbyn a beli a bran. Dyuot y uuud+
hau udunt a wnaethant ac y darestỽg
ac adaỽ teyrnget udunt o ruuein pob
blỽydyn gan ganyat sened ruuein. yr ga+
du tagnheued udunt a rodi gỽystlon
a chedernyt ar gywirdeb. Ac gỽedy ym+
choelut beli a bran y ỽrth ruuein. a chyrchu
tu a germania. Ediuaru a oruc gwyr
ruuein. wneuthur y tangnheued na rodi eu
gỽystlon y·uelly. a|lluydaỽ yn hol a my+
net yn porth y wyr germania. A phan
doeth y cwedyl* hỽnnỽ at beli a bran lli+
dyaỽ a wnaethant yn uỽy no meint
am y kyuryỽ tỽyll a hỽnnỽ. A medyly+
aỽ pa wed y gellynt ymlad a gwyr. ruuein.
a gwyr germania heuyt. Sef a gaỽs+
sant yn|y kyghor Trigyaỽ beli ar bryt+
tanneit gantaỽ y ymlad a germania y
| « p 48 | p 50 » |