NLW MS. Peniarth 46 – page 148
Brut y Brenhinoedd
148
o|freinc. a|dyd hỽnnỽ y|llas himballt eu
tyỽyssaỽc. a|phymtheg mil o|ỽyr aruaỽc
ygyt ac ef. a gỽedy gỽelet o|uaxen yr
aerua. a|haỽdet eu darestỽg. Sef a|ỽna ̷ ̷+
eth ef galỽ ar gynan meirydaỽc a|r da+
thoed ygyt ac ef. yr|lluyd; a|than chỽer+
thin dyỽedut ỽrthaỽ ual hynn odieithyr
y|llu. kynan un hep ef llyma un o|r gỽla+
doed goreu yn ffreinc ỽedy yr estỽg ymi.
a|gobeith yỽ gennyf gaffel y|lleill. ac
ỽrth hynny bryssỽn y kymryt y kestyll
a|r dinessyd. kynn mynet y|chỽedyl hỽnn
yn honneit dros y|gỽladoed. ac ym·gyn ̷ ̷+
null paỽb yn an herbyn. canys o|chaff ̷+
ỽn ni y|teyrnas honn. ny phedrussaf|i
caffel ohonam ni holl freinc. yn einym.
ac ỽrth hynny na uit ediuar genhyt ti
canhyadu ymi dy dylyet ar ynys. prydein. ket bei
gobeith it y|chaffel. canys o|r colleisti yno
minheu a|e hennillaf y|titheu yma. ac
yn|gynntaf mi a|ỽnaf ti yn urenhin ar ̷
| « p 147 | p 149 » |