NLW MS. Peniarth 46 – page 215
Brut y Brenhinoedd
215
euraỽc yr hỽnn a|dyỽeit. Esgynnet y
kerbyt yny bo gỽrthladedic arglỽyd.
yny bo noeth y|cledyf y|gogyuadeu y|dỽy+
rein. ac oleu y olỽynon a|leinỽ o|ỽaet.
Odyna y|byd pysgaỽt yn|y mor yr hỽnn
atalỽedic o chỽibanat. neidyr a|gyttya
gyt a hỽnnỽ. Odyna y|genir tri tharỽ.
echtyỽynedic. y|rei a|ymhoelant yn ỽỽyd
ỽedy treulont eu porueyd. Y|kynntaf a
arỽed ffroỽyll gỽennỽynic. ac y|ỽrth y
gỽarthec ef a|trossa y|geuyn. Dỽy y|ffro+
ỽyll y|gantaỽ a|lauuryant hỽynteu. Y
gann yd* eithaf yd aghreiffyr. [ ymhoelut
a|ỽnant pob eilỽers y hỽynebeu yny uri+
ỽhont ỽennỽynic chỽerthin y hỽnnỽ y
dynessa dyỽalder yr alban yr hỽnn yd|y
ymdyỽynnic y|sarph draegeuyn. Hỽn+
nỽ a|orffỽys y|omhoelut y|dayar ỽrth
ymdyỽynygu o|r deu*. [ llauuryaỽ a|ỽna
y|sarph y ellỽg gỽenỽyn mal delhont llys+
seuoed yn|yer*|ydeu. Odyna deu a|ymlyn+
| « p 214 | p 216 » |