NLW MS. Peniarth 46 – page 294
Brut y Brenhinoedd
294
kedernyt. a|llychỽinaỽ y clot a|r anryded. ac
agos y|bum mlyned yd ym ni yn ymrodi y|r
kyuryỽ hynny. ac ỽrth hynny y|mae duỽ
yn kyffroi gỽyr ruuein y|n herbyn. a|rodi
defnyd y uỽrỽ yn llesged a|n seguryt y|ỽrth* ni.
ac yna y|doethant y gor y|keỽri. a|gỽedy eu
heisted yn herỽyd eu hanryded y|dyỽat arthur
ual hynn. arglỽydi hep ef uyg|kytuarchogy+
on prouedic a|r geueis ych kygor chỽi eiroet yn
rỽyd ac yn dyrys. synnhỽyrỽch yni yr aỽr honn
o un uryt talu attep yn erbyn yr ymadrody+
on hynn. Canys py|beth|bynnac a|rac·uedylyo
doethyon yn|da pann deler ar|ỽeithret haỽs
uyd y|diodef. a|herỽyd y|tebyccaf|i nyt maỽr reit
ymi ouyn gỽyr ruuein. canys trỽy an|dylyet
y|maent yn keissaỽ teyrnget o. ynys. prydein. ỽrth dyf+
ot ulkassar ac amherodron ereill ỽedy ef a|llu
aruaỽc gantaỽ. ac o|treis ac anuundeb yn|ry+
eni ni goresgyn y|ỽlat a|e gỽneuthur yn tretha+
ỽl udunt. a|phỽy|bynnac a|odiỽedher trỽy
treis. a chymell. ny caffel kedernyt y|gynnal.
a chan ydiỽ amheraỽdyr ruuein yn keissaỽ yn
| « p 293 | p 295 » |