NLW MS. Peniarth 46 – page 307
Brut y Brenhinoedd
307
ael eu meirch. ac eu herlit o|ỽyr rufein udunt
y|geissaỽ dial y|gỽr arnunt. ac ymhoelut a
ỽnaeth gereint ar|y|gỽr nessaf idaỽ a|e|ỽan
a|gỽayỽ trỽydaỽ berued yny ydoed y|r llaỽr yn
uarỽ. a|chyghoruynnu a|ỽnaeth boso o ryt
ychen am lad gỽr o|bop un o|e|getymeithon
ac ynteu hep lad un. ac ymhoelut a|oruc
ynteu ar|y|nessaf idaỽ. a|e uỽrỽ y|r llaỽr ỽedy
yr lad. Sef a|ỽnaeth marcel mut erlit gỽla+
lchmei ac ual yd oed yn ymodiỽes ac ef. ym+
hoelut arnaỽ o|ỽalchmei a|llad y benn. a|gor+
chymyn idaỽ ot ymgyuarffei a gaius yn uffern
menegi idaỽ bot yn hỽy cledyfueu y|bryttan+
nyeit no|e tauodeu. ac ymhoelut a|ỽnaeth
y|getymeithon a|llad o|bop un y|gỽr nessaf i ̷+
daỽ. ac yr bot gỽyr rufein yn keissaỽ eu kyỽ+
arssagu ny allyssant na|e llad na|e bỽrỽ. a ̷ ̷
phann yttoedynt yn|dyuot parth a|llỽyn co+
et oed yn agos. nachaf chỽe mil yn dyuot
yn ganhorthỽy udunt o|r bryttanneit. ac
yn dodi gaỽr ar|ỽyr ruein. ac yn diannot
yn|y kymell ar fo. ac yna y|deuth pedreius se+
nadỽr a degmil o ỽyr aruaỽc gantaỽ ynn
| « p 306 | p 308 » |