Oxford Rawlinson MS. B 467 – page 77v
Meddyginiaethau
77v
blastẏr a dot arnaỽ
J brofi pa vn ar|y yn ac ẏ|bo klỽẏf ar ddẏn
aẏ ẏ|kic a|ẏs ẏ llaỻ. aẏ pẏdri arall. Yn|gẏntaf
ira ẏ dolur o|bob parth iddaỽ a|mel. ac oddyna
kẏmer gaỽs gỽẏrẏ a blaỽt a dot wẏnt ẏn|ẏ dda+
ear nosỽeith ar ẏ|tẏlle a chỽlẏm ef ẏno. a|th+
ranoeth pann ẏ|sẏmuttẏch o|r bẏd tylle ẏn|y
caỽs gỽẏbẏd di vot ẏ|prẏf ẏno arall Dot
wrthaỽ ar hẏt ẏ|nos valchỽeden ddu ac o|r
gỽelẏ ẏ valchỽeden wedẏ i|tharaỽ drannoeth
pann ẏ|sẏmuttẏch. ẏ prẏf a vu ẏno. araỻ
Kẏmer wreid ẏr elebre du a|berỽ meỽn gỽin
a mel. a|chẏmer ẏ|valchỽeden ddu a|dot ar ẏ
dolur lle bo y|kic drỽc ẏ|meỽn a|dot ẏ|confec+
tion arnaỽ ac ef a|lad ẏ|prẏf arall Kẏmer
sud ẏ|polipodii a dot wrthaỽ ac|iach a|vydd.
| « p 77r | p 78r » |