Shrewsbury MS. 11 – page 89
Ystoria Adda
89
ẏ prenn llỽm a welsei gynneu yn gyflaỽn o risc
a deil ac yn gyfuỽch a|r nef ac ẏmlaen ẏ pren
ẏd|oed mab bẏchan newẏd|eni a dillat mab ẏ+
m·danaỽ Ac ofyn a|uu arnaỽ am hẏnnẏ a
throssi y olỽc ẏ·rygtaỽ a|r llaỽr a|oruc Ac ef
a welei wreidẏn o|r pren ẏn mẏnet trỽẏ y da+
ẏar hyt yn vffern ac ef a adnabu yno eneit
auel ẏ vraỽt ac ẏna y tryded ẏ doeth ef at
yr aghel ac ẏna ẏ dwaỽt idaỽ a welsei ac ẏ
dosparthỽẏs ẏr aghel idaỽ am ẏ mab Ẏ mab
a weleist|i heb mab ẏ duỽ yỽ hỽnnỽ yr hỽn ẏsyd yn
kỽynaỽ pechodeu dy rieni di ac a|wna truga+
red dros dy rieni di a thros y hetiued a|r|trug+
ared honno ẏỽ priodolter karẏat Ac gwedẏ d+
aruot yr aghel ẏsponi ẏ seth ẏ geireu hẏnnẏ
pan yttoed yn mẏnet y ymdeith y rodes
idaỽ tri gronẏn o geudaỽt aual y ar y pren
hỽnnỽ val ẏd archassei a menegi idaỽ ẏ diffo+
dei. Ẏ tat a|r pen ẏ trydẏd dẏd o|r pan ẏ herg+
ẏtyei attaỽ A doti heb ẏr agel ẏ tri gronẏn
| « p 88 | digital image | p 90 » |