Cambridge Trinity College MS. O.7.1 – page 16v
Llyfr Blegywryd
16v
ac ny wys heuyt ae gallo ae nys
gallo. Tri pheth a dyly gỽarant
diball eu gỽneuthur; vn yỽ atteb
yn diohir drostaỽ e hun a thros
y da kynhennus. a thros amdiffyn+
nỽr y da. Eil yỽ seuyll ỽrth gyfreith
a barn dros yr holl dadyl trỽy det+
uryt gỽlat. Trydyd yỽ gỽnethur*
cỽbyl dros yr holl dadyl val y barn+
her idaỽ. Ny ellir gỽarantu vn
da kyffro na digyffro a dycker yn
erbyn kyfreith. nac vn gỽeithret
a ỽnelher yn erbyn kyfreith. os
deturyt y gỽlat ae hamlycca. braỽ+
dỽr hagen a dyly gỽybot a deall
trỽy deturyt gỽlat ae trỽy gyf+
reith ac yn erbyn kyfreith y
gỽnaethpỽyt y gỽeithret kyn
rotho barn teruynedic rỽg yr
haỽlỽr ar gỽarant a hynny
gỽedy atteb yr amdiffynnỽr
Y neb a gaffo gỽarant y myỽn
dadyl ny cheiff
tauodyaỽc amgen noe warant
| « p 16r | p 17r » |