Bodorgan MS. – page 29
Llyfr Cyfnerth
29
da ar y neithaỽr pan uu uorỽyn. Sef uyd y
penkerd; bard gỽedy enillo kadeir. Ny eill
neb bard erchi dim hyt y bo y penkeirdy+
aeth ef. heb y ganhat onyt bard gorwlat
uyd. kyt lludyo y brenhin rodi da yn| y gy ̷+
uoeth hyt ym pen yspeit. digyfreith uyd
y penkerd. Pan vynho y brenhin gerd o|e
gỽarandaỽ. kanet y pen·kerd deu ganu y
mod duỽ. Ar trydyd o|r pennaetheu. Pan
vynho y y vrenhines gerd
o|e gỽarandaỽ yn| y hystauell. kanet y
bard teulu tri chanu yn disson rac teruyscu
KEneu gellgi brenhin tra vo [ llys.
kayat y lygeit; pedeir ar hugeint a
tal. yn| y growyn; ỽyth a deu vgeint a tal.
yn| y gynllỽst; vn ar pymthec a phet ̷+
war vgeint a tal. Yn| y ofer hela; wheuge+
int a| tal. Pan vo kyfrỽys; punt. Milgi
brenhin; hanheraỽc uyd y werth ar werth
gellgi brenhin gogyfoet ac ef ym pop am ̷+
ser. Unwerth yỽ heuyt gellgi breyr a mil+
gi brenhin gogyfoet ac ef. Sef a tal mil+
gi breyr; hanher kyfreith gellgi breyr go+
gyfoet ac ef. Py ryỽ bynhac uo keneu
| « p 28 | p 30 » |