Bodorgan MS. – page 58
Llyfr Cyfnerth
58
o ledrat kyfadef. kic a chroen ar y gefyn. yg+
henaỽc alltut a uo teir·nos a thri·dieu heb
gardaỽt a heb westua. A chrỽydraỽ o·honaỽ
teir tref beunyd A naỽ tei ym pop tref ac
yna rac newyn gỽneuthur lledrat o·hon+
aỽ. Ae dala ynteu a chic a chroen ar y gef+
yn. y ollỽg yn ryd a dyly heb groc a heb we+
rth. Un dyn ny dyly y ty y vot yn varỽty
kyn bo marỽ ef heb gymun; ygnat llys.
Un aneueil a a o pedeir keinhaỽc y punt
yn vn dyd. gellgi. OS tayaỽc bieiuyd y bore
pedeir keinhaỽc cota a tal. Ac o redir y dyd
hỽnnỽ yr brenhin; punt a tal. Ỽyth pyn+
uarch brenhin ynt. Mor. A diffeith. Ac yg+
henaỽc diatlam. A lleidyr. A marỽty. A di+
rỽy. A chamlỽrỽ. Ac ebediỽ.
OR pan anher ebaỽl hyt aỽst; whech
keinhaỽc a tal. O aỽst hyt galan rac+
uyr; deudec keinhaỽc a tal. hyt galan
whefraỽr; deu·naỽ a tal. hyt galan mei;
pedeir ar hugeint a tal. hyt aỽst; dec ar
hugeint a tal. hyt galan racuyr; vn ar
pymthec ar hugeint a| tal. hyt galan wh+
efraỽr; dỽy a deugeint a tal. hyt galan
| « p 57 | p 59 » |