Bodorgan MS. – page 92
Llyfr Cyfnerth
92
aeth yn| y blaen. Odyna lloc y sỽch ar cỽlltyr
Odyna lloc yr ych goreu yn yr aradyr. Ody+
na lloc y geilwat. Odyna o oreu yr oreu o|r
ychen. Ny dyly neb o tayaỽctref eredic.
hyny gaffo paỽb o|r tref gyfar. O|r byd ma+
rỽ ych o tra eredic. y perchennaỽc a geiff erỽ
A honno a elwir erỽ yr ych du. Pop gỽystyl
a dygỽyd ym|pen y naỽuetdyd eithyr cỽll+
tyr a challaỽr a bỽell gynnut ny dygỽyd+
ant byth kyn gỽystler. Arueu eglỽyssic ny
dylyir eu gỽystlaỽ. A chyn gỽystler; ny dy+
gỽydant byth. Oet un dyd a blỽydyn yssyd
y lestri goreureit ac eur a llurugeu pan ỽys+
KYfreith benffic yỽ y| dyuot mal [ tler.
y rother. Y neb a rotho benffyc kymeret
tyston rac mynet yn| y erbyn. kany ellir gỽa+
du gỽystyl na benffyc nac adneu yn er+
byn tyston. Pan watter hagen llỽ y neb
gỽatto ar y whechet o|r dynyon nessaf idaỽ
ae gỽatta. Ac o|r godiwedir gỽedy keisso y wa+
du; deudyblyc uyd y tal ar dial ymdanaỽ.
E Neb a talho galanas o|r byd y genedyl
yn vn wlat ac ef; cỽbyl talu a dyly er+
byn pen y petheỽnos. O|r byd y genedyl yn+
| « p 91 | p 93 » |