NLW MS. 24029 (Boston 5) – page 112
Llyfr Blegywryd
112
pan dalher creith ogẏuarch ar|ẏ|troet a|te+
lir gẏt ac vn dẏrchauel. Os ar|ẏ|laỽ; gan
deu dẏrchauel. Os ar|ẏ wẏneb ẏ|gwneir;
gan tri dẏrchauel idaỽ ẏ|telir. ~ ~ ~ ~ ~
O |R trewir dẏn ar|ẏ|benn hẏnnẏ
welher ẏr emenẏd; neu o|r bre+
thir ẏnn|ẏ arch hẏnnẏ del ẏr
amẏscar ẏ|maes. neu torri
asgỽrn morddwẏt dẏn. neu asgỽrn ẏ
vreich. Dros bop vn o|r rei hẏnnẏ; teir
punt a|telir idaỽ. Kannẏs ẏm|perigẏl
o|e eneit ẏ|bẏd ef o|bop vn o|rei hẏnnẏ.
Hẏnn a|telir ẏ|vrathedic ẏ bo reit idaỽ
weith medẏc. gẏt a|e sarhaet. Pedeir
keinnaỽc dros badell ẏ|wneuthur medẏ+
ginaetheu. Pedeir keinnaỽc dros wer.
Keinnaỽc dros vỽẏt ẏ medẏc beunoe+
th. Keinnaỽc dros oleuat beunoeth. A|ch+
einnaỽc dros vuẏt ẏ|brathedic beun+
ẏd. Pedeir keinnaỽc cota a|telir ẏ|dẏn
dros bop ascỽrn vch creuan a|tẏnher
o|e benn. o|r a seinno ẏ|mẏwn kaỽc e+
vẏd. O bop asgwrnn is creuan. pedeir
keinnaỽc kyureith a geiff ẏ|dẏnn
herwẏd kẏureith hẏwel da.
| « p 111 | p 113 » |