NLW MS. 24029 (Boston 5) – page 8
Llyfr Blegywryd
8
Guedẏ ẏnteu ẏr|hebogẏd. Ac ar|ẏ deheu ẏ|neb
a|vẏnho. Ac odẏnna eistedent baỽp ac
ẏmbarchont mal ẏ|mẏnhont. ẏ|troeda ̷+
ỽc a|eisted dan traet ẏ|brenhin. A|r can+
hỽẏllẏd rac ẏ|vronn.
O |R pan safo ẏ distein ẏnn|ẏ neuad
a|dodi naỽd duỽ a|r|honn ẏ brenhin
a|r|vrenhines. a|r|gwẏrda. ac eu ta+
gnef ar|ẏ llẏs a|r|nẏuer. a torrho ẏ|tagn+
ef honno. nẏt oes idaỽ naỽd ẏn vn lle.
Kannẏs ẏ|naỽd oll ẏn gẏffredin ẏỽ ho+
nno. Ac ẏ|ar naỽd paỽb; naỽd ẏ|brenhin
ẏn|benhaf. Ac ỽrth hẏnnẏ nẏt oes na+
ỽd idaỽ ẏ gan vn onadunt. nac ẏ gan
greireu nac ẏ gan eglỽẏs. Nẏ dichaỽn
vn o|r sỽẏdogẏon llẏs rodi naỽd onnẏ
bẏd vn ohonunt ẏn seuẏll drostunt
oll. a|dẏwetto mae ef a|dẏrẏ naỽd drost+
unt oll ẏ|baỽp o|r a geisso ẏ gantaỽ ẏn|ẏr
enỽ ẏ keisser. NAỽd brenhines ẏỽ; dỽẏ+
n ẏ|dẏn ẏ|rotho naỽd idaỽ dros ffin ẏ|w+
lat heb erlit a heb ragot arnaỽ. NAỽd
ẏ penteulu ẏỽ; dỽẏn ẏ|dẏn dros ffin ẏ|kẏ+
| « p 7 | p 9 » |